मागाठाने विधानसभेत शिवसेना ठाकरे गट आणि शिवसेना शिंदे गटाचे उमेदवार आणि त्यांचे कार्यकर्ते आमनेसामने आले. त्यामुळे परिसरात तणाव निर्माण झाला होता.

विधानसभा निवडणुकीच्या अर्ज भरण्याचे शेवटचे दोन दिवस शिल्लक असतानाच उमेदवारी अर्ज दाखल करण्यासाठी सर्वपक्षीय उमेदवारांची लगबग पहायला मिळत आहे. मात्र मुंबईच्या मागाठाने विधानसभेत शिवसेना ठाकरे गट आणि शिवसेना शिंदे गटाचे उमेदवार आणि त्यांचे कार्यकर्ते आल्याचे सोमवारी पाहायला मिळाले. यावेळी दोन्ही बाजूंच्या कार्यकर्त्यांकडून जोरदार घोषणाबाजी करण्यात आली. यामुळे काही काळ या परिसरात तणावाचे वातावरण निर्माण झाले. मात्र पोलिसांकडून या ठिकाणी वेळीच दोन्ही बाजूच्या कार्यकर्त्यांना दूर करण्यात आल्याने पुढचा अनर्थ टळला.

Edited By Rakhi Rajput