नाशिकमध्ये आज शिवसेना ठाकरे गट आणि मनसेनं एकत्रित येत जनआक्रोश मोर्चा काढला. या मोर्चात ठाकरे सेनेचे खासदार संजय राऊत, मनसे नेते बाळा नांदगावकर आणि संदीप देशपांडे उपस्थित होते. हजारो सख्येनं लोकांनी या मोर्चात सहभाग घेतला. या मोर्चात संजय राऊत यांनी गंभीर आरोप केले आहेत.

राऊत म्हणाले, 'राहूल धोत्रेची निर्घृण हत्या देवेंद्र फडणवीस आणि गिरीश महाजन यांच्या कार्यकर्त्यांनी केली. उद्धव निमसे अजूनही फरार आहे. एक नगरसेवक हत्या करून फरार होतो. फरार असतानाही गिरीश महाजनांना भेटतो. मग त्याला कोण वाचवत आहे? ही गोष्ट जर राज्याचे गृहमंत्री आणि नाशितचे पालकमंत्री यांना माहित नसेल तर, अशा लोकांना राज्य करण्याचा अधिकार नाही', असं राऊत म्हणाले.