मालवण सिंधदुर्ग येथील राजजकोट किल्ल्यावरील छत्रपती शिवाजी महाराजांचा पुतळा कोसळल्याची घटना घडली होती. यानंतर विरोधकांनी महायुती सरकारवर जोरदार टीकास्त्र सोडले होते. सर्वच नेत्यांनी मालवण येथे जाऊन भेटी दिल्या होत्या.

त्यांनंतर पुतळा हा पुन्हा बसवण्यात येईल असे सरकारने सांगितले होते. या पुतळ्याचे पुन्हा काम सुरू केले आणि आता हा पुतळा पूर्णत्वास आला आहे. या पुतळ्याचे अनावरण मुख्यमंत्री देवेंद्र फडणवीस यांच्या हस्ते रविवार दिनांक ११ मे रोजी सकाळी 12:30 ते 1:30 दरम्यान होणार आहे. यावेळी मंत्रिमंडळातील इतर मंत्री देखील उपस्थित राहणार आहेत. पुतळा अनावरण सोहळ्यानंतर मुख्यमंत्री देवेंद्र फडणवीस हे दुपारी २ वाजता कणकवली तालुक्यातील करंजे येथील नारायण राणे यांच्या गोवर्धन गो शाळेचे उद्घाटन करणार आहेत.