शिर्डी शहरातील लक्ष्मीनगर परिसरात अज्ञातांनी भाजपचे माजी खासदार सुजय विखे पाटील यांचे बॅनर फाडल्याची घटना उघडकीस आली आहे. तसेच या भागातील काही दुचाकी वाहनांचीही तोडफोड करण्यात आली आहे. हा प्रकार काल सोमवारी रात्री उशिरा घडला.

घटनेनंतर सुजय विखे यांच्या समर्थकांनी मोठ्या संख्येने शिर्डी पोलिस ठाण्यात धाव घेतली. यानंतर पोलिसांनी घटनास्थळी जाऊन पंचनामा केला असून परिसरातील सीसीटीव्ही फुटेज तपासण्यास सुरुवात केली आहे. या प्रकारामुळे शिर्डीत राजकीय वर्तुळात खळबळ उडाली असून समर्थकांमध्ये संतापाचे वातावरण आहे. ही तोडफोड का करण्यात आली याचा तपास सुरू असल्याची माहिती पोलिसांनी दिली आहे.