राष्ट्रवादी कॉँग्रेस शरद पवार पक्षाचे प्रदेशाध्यक्ष जयंत पाटील यांनी आपल्या अध्यक्षपदाचा राजीनामा दिला आहे. आता शशिकांत शिंदे यांची राष्ट्रवादी शरद पवार पक्षाच्या प्रदेशाध्यक्षपदी नियुक्ती करण्यात आली आहे. 15 जुलै रोजी शशिकांत शिंदे हे पक्षाच्या प्रदेशाध्यक्षपदाचा पदभार स्वीकारणार आहेत. काही दिवसांपूर्वीच जयंत पाटील यांनी प्रदेशाध्यक्षपदावरून मुक्त करा अशी शरद पवारांना विनंती केली होती.

जयंत पाटील हे गेल्या सात वर्षांपासून प्रदेशाध्यक्ष होते. 10 जून रोजी झालेल्या पक्षाच्या मेळाव्यात त्यांनी शरद पवारांना दुसरे कोणाला तरी संधी द्या अशी विनंती केली होती. मला पवार साहेबांनी बरीच संधी दिली. सात वर्षाचा कालावधी दिला. शेवटी पक्षाने नव्या चेहऱ्यांना संधी देणे आवश्यक आहे. तुम्हा सर्वादेखत साहेबांना विनंती करेन, शेवटी पक्षाने नव्या चेहऱ्यांना संधी देणे आवश्यक आहे. त्यानंतर आज जयंत पाटील यांनी प्रदेशाध्यक्षपदावरून पायउतार होण्याचा निर्णय घेतला. शशिकांत शिंदे हे आता नवीन प्रदेशाध्यक्ष होणार आहे. ते नेमके कोण आहे? पाहा व्हिडिओमध्ये