स्वर्गीय राजारामबापू पाटील आणि आमदार जयंत पाटील यांच्यावरील वक्तव्याच्या निषेधार्थ आज राष्ट्रवादीचा सांगलीत राज्यस्तरीय महाराष्ट्र संस्कृती बचाव मोर्चा निघणार आहे. सांगलीच्या कर्मवीर चौकातून या मोर्चाला 1 वाजता सुरवात होणार आहे. तर मुख्य चौकातून आणि शहरातून हा मोर्चा स्टेशन चौकात राजारामबापू याच्या पुतळ्या येथे सभेतून या मोर्चाचा समारोप होणार आहे. यावेळी राष्ट्रवादीचे प्रदेशाध्यक्ष यांच्यासह राज्यातील आमदार, खासदार आणि महाविकास आघाडीचे नेते सहभागी होणार आहेत.

भाजप आमदार गोपीचंद पडळकर यांनी काही दिवसांपूर्वी शरद पवार गटाचे आमदार जयंत पाटील यांच्यावर अत्यंत खालच्या पातळीवर टीका केली होती. यानंतर सर्वच स्तरातून त्यांच्या व्यक्तव्याचा निषेध करण्यात आला. खुद्द राष्ट्रवादीचे सर्वेसर्वा शरद पवार यांनी मुख्यमंत्री देवेंद्र फडणवीस यांना फोन करून याबाबत नाराजी व्यक्त केली होती.