शरद पवार यांची पत्रकार परिषद पार पडली. यादरम्यान त्यांनी विधानसभा निवडणुकीवर भाष्य केलं आहे. लोकसभेइतका स्पष्ट निकाल विधानसभेत लागला तर आनंद होईल, विभानसभेत जनतेला बदल हवाय असं शदर पवार म्हणाले. संसदेच्या अधिवेशनानंतर महाविकास आघाडीच्या जागा वाटपावर चर्चा होणार असल्याचंही शरद पवार यांनी सांगितलं. दरम्यान त्यांनी जागावाटपा संदर्भातील त्यांची भूमिका देखील स्पष्ट केली आहे. महाविकास आघाडीतील डाव्या पक्षांना जागा देण्याची भूमिका असल्याचं शरद पवार म्हणाले. पक्षात येण्यासाठी काहींनी इच्छा व्यक्त केली आहे, मात्र त्यावर सरसकट निर्णय घेऊ नये अशी पक्षाची भूमिका असल्याचं शरद पवार म्हणाले. तर पक्षात घ्यायचं की नाही हे नेते ठरवतील असं देखील पवार यांनी सांगितलं आहे. तसेच निवडणुकीच्या तोंडावर लाडकी बहीण सारख्या योजना आणून एखाद-दुसरा हप्ता देऊन लोकांना आपल्याकडे वळवण्याचा प्रयत्न केला जात असल्याचा आरोपही शरद पवार यांनी केला आहे.