ठाकरे गटाचे प्रमुख उद्धव ठाकरे यांच्या वाढदिवसानिमित्त ठाकरे गटाच्या मुखपत्रात शरद पवार यांचा लेख छापून आला आहे. या लेखात शरद पवार यांनी मराठी माणसाला बुजरेपणा सोडण्याचा सल्ला दिला आहे. तसेच दिल्लीकरांना मराठी माणसाबद्दल आकस नाही असं देखील म्हटलं आहे. सूरजमल जाट याने सदाशिवराव पेशव्यांना दिल्ली ताब्यात घेण्याचा सल्ला दिला होता. मात्र हा सल्ला ऐकला नाही आणि दिल्लीवर अधिकार गाजवण्याची आलेली संधी आपण गमावली असा इतिहास सुद्धा शरद पवारांनी सांगितला आहे.