पुण्यात आज शरद पवारांच्या राष्ट्रवादीकडून सदाभाऊ खोत यांच्या वादग्रस्त वक्तव्याच्या निषेधार्थ आंदोलन करण्यात येत आहे. तर दुसरीकडे बारामतीत देखील राष्ट्रवादी काँग्रेस शरदचंद्र पवार पक्षाचे कार्यकर्ते आक्रमक झालेले बघायला मिळत आहेत. तीन हत्ती चौकात कार्यकर्त्यांकडून जोरदार घोषणाबाजी करत सदभाऊ खोत यांचा निषेध करण्यात येत आहे.

महायुतीचे नेते सदाभाऊ खोत यांनी खासदार शरद पवार यांच्यावर काल भाषणात खालच्या पातळीवर जाऊन टीका केली. यासंदर्भात आता वातावरण तापलेलं दिसत आहे. राज्यातील विविध भागात शरद पवार यांच्या कार्यकर्त्यांकडून आंदोलन करण्यात येत असून सदभाऊ खोत यांचा निषेध केला जात आहे. पुण्यातील आंदोलणात पुणेरी स्टाईलने फोटो फ्लेक्सवर आधी "श्री" लिहून "सदाभाऊ खोत मुर्दाबाद" असा मजकूर लिहिलेला दिसला.

Edited By Rakhi Rajput