राष्ट्रवादीच्या गटातून एक मोठी बातमी समोर आली आहे. पिपाणी चिन्ही यादीतून वगळा, यासंदर्भात राष्ट्रवादीच्या शरद पवार गटाने निवडणूक आयोगाला पत्र दिलंय. लोकसभा निवडणुकीत पिपाणी चिन्हामुळे झालेल्या अडचणीनंतर राष्ट्रवादी शरद पवार पक्षाने निवडणूक आयोगाला पत्र लिहिलं आहे. पिपाणी हे चिन्ह निवडणुकीच्या चिन्हाच्या यादीतून वगळण्यात यावं, अशी मागणीही पवार गटाकडून करण्यात आली आहे. निवडणूक आयोगाने योग्य तो निर्णय न घेतल्यास शरद पवार गट सुप्रीम कोर्टात जाणार असल्याची शक्यता वर्तवली जात आहे. त्यामुळे आता निवडणूक आयोग नेमकं काय पाऊल उचलणार? याकडं आता सर्वाचं लक्ष लागलं आहे.