अहिल्यानगरच्या राहुरी पोटनिवडणुकीबाबत महत्वाची बातमी समोर आली आहे. भाजपने याठिकाणी शिवाजीराव कर्डिले यांचा मुलगा अक्षय कर्डिले यांना उमेदवारी दिली आहे. आज अक्षय कर्डिले आपला उमेदवारी अर्ज दाखल करणार आहेत. राहुरीची निवडणूक बिनविरोध होणार नसल्याची चिन्ह दिसत आहे. याठिकाणी राष्ट्रवादी काँग्रेस शरद पवार गटाकडून निवडणूक लढवली जाणार आहे. राष्ट्रवादी काँग्रेसने राहुरीसाठी दोन एबी फॉर्म पाठवले असल्याची माहिती सुत्रांनी दिली आहे. प्राजक्त तनपुरे आणि गोविंदराव मोकाटे यांना हे एबी फॉर्म देण्यात आले आहेत.

दरम्यान, भाजपचे आमदार शिवाजीराव कर्डिले यांच्या निधनानंतर राहुरी विधानसभा मतदारसंघामध्ये पोटनिवडणूक होत आहे. या पोटनिवडणुकीबाबत मोठी बातमी समोर आली आहे. ही पोटनिवडणूक बिनविरोध होणार नाही. या निवडणुकीत अक्षय कर्डिले निवडणुकीच्या रिंगणात आहेत. तर त्यांच्या विरोधात माजी मंत्री प्राजक्त तनपुरे हे निवडणूक लढवण्याची शक्यता व्यक्त केली जात आहे. तर काँग्रेस पक्षाने देखील राहुरीची निवडणूक लढवण्याचे संकेत दिले दिले आहेत.