लाडकी बहिण योजना मुख्यमंत्र्यांनी आणली आहे. त्यामुळे 'मुख्यमंत्री माझी लाडकी बहिण योजना' असंच म्हणा, असं वक्तव्य शंभुराज देसाई यांनी दिलं आहे. पुण्यात पत्रकारांच्या प्रश्नाला उत्तर देताना त्यांनी नुसत 'माझी लाडकी बहिण योजना' न म्हणता 'मुख्यमंत्री माझी लाडकी बहिण योजना' म्हणण्यास सांगितलं आहे.

''ही योजना सीएम शिंदे यांनीच आणली आहे, असं महिला देखील सांगतात. महायुतीमधील सगळे पक्ष आता या योजनेला मुख्यमंत्री लाडकी बहिण योजनाच म्हणतात. उपमुख्यमंत्री अजित पवार देखील 'मुख्यमंत्री लाडकी बहिण योजना' असंच म्हणतात'', असं सुद्धा शंभुराज देसाई यांनी म्हंटल आहे. त्यामुळे पत्रकारांनीसुद्धा 'मुख्यमंत्री माझी लाडकी बहिण योजना'च नाव या योजनेचं घ्यायला हवं असं त्यांनी पत्रकारांना म्हंटल. त्यांच्या या वक्तव्याची सध्या सगळीकडे चर्चा होत आहे.