नांदेड येथील सहस्त्रकुंड धबधबा पैनगंगा नदीच्या पाण्याच्या प्रवाहात पाच मजूरदार महिलांसह दोन बालके अडकले आहेत. ही थरारक घटना नांदेडच्या सहस्रकुंड धबधब्यावर घडली आहे. हे मजूरदार तेलंगणा राज्यातील आदिलाबाद जिल्ह्यात कापशी वेचणीसाठी गेले होते. परत गावाकडे जात असताना सहस्त्रकुंड धबधबा येथे पाण्याच्या प्रवाहात अडकले आहेत अशी प्राथमिक माहिती समोर येत आहे. हे सर्व मजूरदार यवतमाळ जिल्ह्यातील जेवली एकंबा येथील असल्याचे समजते. पाण्याच्या प्रवाहात अडकलेल्या महिलांची नावे गजराताई काटेवाड, कोमल काटेवाड, सुवर्णा ज्योतीराव गांदरवाड, कामीनी ज्योतीराव गांजरवाड, अनुसया डिंगाबर असे आहे.