सरपंच संतोष देशमुख हत्या प्रकरणात संबंधित बातम्या का पाहातो? असा जाब विचारत आरोपी कृष्णा आंधळेच्या मित्राने धारूरमधील एका तरुणाला बेदम मारहाण केलेली आहे. या मारहाणीत अशोक मोहिते हा तरुण गंभीर जखमी झालेला आहे. त्याच्यावर सध्या लातूरच्या खासगी रुग्णालयात उपचार सुरू आहेत.

बीडमधले माजी सरपंच संतोष देशमुख हत्या प्रकरणात असलेल्या संबंधित बातम्या का बघतो? असा सवाल करत आता याच प्रकरणातील आरोपी असलेल्या कृष्णा आंधळे याच्या मित्राने एका तरुणाला अमानुष हरण केल्याची घटना धारूरमध्ये घडली आहे. या घटनेत अशोक मोहिते हा गंभीर जखमी झाला आहे. तर वैजनाथ बांगर आणि अभिषेक सानप अशी मारहाण करणाऱ्या आरोपींची नावं आहेत. अशोक मोहिते याला अत्यंत अमानुषपणे ही मारहाण करण्यात आलेली असून त्याच्यावर सध्या लातूरच्या खासगी रुग्णालयात उपचार सुरू आहेत. मारहाणीनंतर हे दोघेही फरार झाले असून या दोन्ही आरोपींच्या अटकेसाठी धारूर पोलिसांचं एक पथक देखील रवाना करण्यात आलेलं आहे. धारूर पोलिसांनी या प्रकरणी दोघांवर गुन्हा दाखल केलेला आहे.