राज्याचे मंत्री धनंजय मुंडे यांनी राजीनामा दिल्यानंतर प्रथमच भगवानगडाचे महंत नामदेव शास्त्री महाराज यांनी प्रतिक्रिया दिली असून महंत नामदेव शास्त्री महाराज यांनी मारहाण करणाऱ्यांची मानसिकता तपासायला पाहिजे होती असे वक्तव्य सुरुवातीला केले होते. त्यामुळे राज्यात एकच गदारोळ उडला होता. त्यानंतर दोन दिवसांपूर्वी संतोष देशमुख यांचे मारहाणीचे फोटो सोशल मीडियावर व्हायरल झाल्यानंतर संतापची लाट उसळली आहे. यावर आता महंत नामदेव शास्त्री महाराज यांनी प्रतिक्रिया दिली आहे.

'ही गोष्ट मला आधी माहिती नव्हती. मात्र दुसऱ्या दिवशी जेव्हा धनंजय देशमुख आणि त्यांचे कुटुंबीय येऊन मला भेटले आणि ते गडाचे अनुयायी आहेत हे समजल्यानंतर माझी भावना बदलली. मला जाणीव निर्माण झाली. निश्चित भगवानगड संतोष देशमुख कुटुंबीयांच्या पाठीशी असून लोकांनी गैरसमज करू नये. मला जाणीव झालेली आहे. न्यायालयाकडे विनंती करतो की हे प्रकरण लवकरात लवकर फास्टट्रॅक कोर्टात चालवून संतोष देशमुख कुटुंबियांना न्याय मिळवून द्यावा.', अशी प्रतिक्रिया महंत नामदेव शास्त्री महाराज यांनी दिली.