ठाकरे गटाचे बुलंद तोफ असलेले खासदार संजय राऊत गेल्या काही दिवसांपासून प्रकृतीच्या करणास्थाव राजकीय आणि सार्वजनिक जीवनापासून दूर आहेत. हा सल्ला त्यांना डॉक्टरांनी दिला असून त्यांनी याबाबत एक पत्र लिहून पुढील दोन महीने मी सार्वजनिक जीवनापासून दूर राहणार असल्याची पोस्ट केली होती.

त्यानंतर त्यांच्यावर भांडुप येथील फोर्टीस रुग्णालयात उपचार सुरू होते. काही दिवसांपूर्वीच ते रुग्णालयातून घरी आले होते. मात्र आज बाळासाहेब ठाकरे यांच्या स्मृतिदिनानिमित्त संजय राऊत हे घराबाहेर पडले आणि दादरच्या शिवाजी पार्क येथील बाळासाहेब ठाकरे यांच्या स्मृतिस्थळाचे दर्शन घेण्यासाठी पोहोचले.