भांडुपमध्ये एका रुग्णालयात वीज गेली होती. तेव्हा मेणबत्तीच्या प्रकाशात ऑपरेशन करावं लागलं होतं. या रुग्णालयाला माजी खासदार संजय पाटील यांनी भेट दिली आणि परिस्थितीचा आढावा घेतला. संजय पाटील म्हणाले की या रुग्णालयातल्या सर्व सेवा सुविधा चांगल्या आहेत असा दावा इथल्या लोकप्रतिनिधींनी केली आहे. पण इथली परिस्थिती चांगली नाही, लोकप्रतिनिधींनी इथे भेट द्यावी आणि परिस्थिती पहावी असे आवाहन संजय पाटील यांनी केले आहे. तसेच जे जबाबदार आहेत त्यांच्यावर कारवाई करावी, रुग्णांसाठी सर्व सोयी असल्याशिवाय त्यांना भरती करून घेता कामा नये, त्यांना इतर रुग्णालयात दाखल करावे अशी मागणीही पाटील यांनी केली आहे.