शिंदे गटाचे आमदार संजय गायकवाड यांनी महाराष्ट्र पोलिसांबाबत केलेल्या विधानानंतर राज्यात एकच खळबळ उडाली होती. महाराष्ट्र पोलिसांइतक अकार्यक्षम खात फक्त भारतात नाही तर जगातही नाही. सरकारने पोलीस खात्याशी संबंधित कोणताही कायदा केला की त्यांचा एक अजून हफ्ता वाढतो, असा खळबळजनक आरोप आमदार संजय गायकवाड यांनी केला होता. मात्र यानंतर मुख्यमंत्री देवेंद्र फडणवीस यांनी यावर नाराजी व्यक्त केली होती. पोलिसांबद्दल असे बोलणे योग्य नाही. मी स्वतः एकनाथ शिंदे यांना सांगणार आहे की, त्यांनी संजय गायकवाड यांना समज द्यावी. ते वारंवार अशा प्रकारची विधान करत असतील तर कारवाई केली जाईल, अशी तंबीच फडणवीस यांनी दिली होती. त्यानंतर आज संजय गायकवाड यांनी जाहीर दिलगिरी व्यक्त केली.