सांगली जिल्ह्यात गेल्या काही दिवसांपासून सुरू असलेल्या मुसळधार पावसामुळे कोयना धरणाच्या पाणीपातळीत लक्षणीय वाढ झाली आहे. पाणीपातळी नियंत्रित ठेवण्यासाठी धरण प्रशासनाने खबरदारीचा उपाय म्हणून कोयना धरणाचे सहा वक्र दरवाजे उघडले आहेत. सध्या ११,४०० क्यूसेक वेगाने पाण्याचा विसर्ग सुरू असून, नदीकाठच्या गावांमध्ये सतर्कतेचा इशारा देण्यात आला आहे.

दरम्यान, कोयना नदीवरील जुना पूल पूर्णतः पाण्याखाली गेल्याने वाहतुकीवर परिणाम झाला आहे. नदीकाठच्या परिसरातील नागरिकांनी सर्तक राहावे, असे आवाहन प्रशासनाने केलं आहे. धरण परिसरात पावसाचा जोर कायम राहिल्यास विसर्गात आणखी वाढ होण्याची शक्यता वर्तवण्यात येत आहे. प्रशासन आणि आपत्ती व्यवस्थापन पथक सज्ज असून, स्थानिक नागरिकांनाही आवश्यक ती खबरदारी घेण्याचे आवाहन करण्यात आले आहे.