मुंबई : सलमान खानच्या घरावर गोळीबार करणाऱ्या दुसऱ्या संशयिताची ओळख पटली आहे. गोळीबार करणाऱ्या पहिल्या संशयिताचं नाव कालू असल्याचं समोर आलं होतं. त्यानंतर आता कालू यांच्या साथीदाराचं नाव सारंग असं असल्याचं कळतंय. त्यामुळे दोघांचीही ओळख पटल्याचं सांगितलं जातंय. आता हे दोघेही उत्तर प्रदेशला पळून गेल्याचा संशय व्यक्त केला जातोय. सलमान खानच्या घरावर गोळीबार झाल्याची घटना रविवारी उघडकीस आली होती. त्यानंतर एकच खळबळ उडाली होती. या घटनेचे राजकीय पडसादही उमटले होते. दरम्यान, या गोळीबार प्रकरणानंतर पोलिसांनीही कडक भूमिका घेत सुरक्षेत वाढ केलीय. या गोळीबार प्रकऱणी पोलिसांकडून संशयीत आरोपींचा कसून शोध घेतला जातोय.