पश्चिम आशियातील सुरू असलेल्या भू-राजकीय तणावामुळे आणि युद्धाची परिस्थिति अजूनच बिघडल्याने 18 मे रोजी भारतीय रुपया 21 पैशांने आदळला आहे. यामुळे रुपयाने आतापर्यंतची सर्वात निचांकी पातळी गाठली असून गुंतवणूकदारांमध्ये चिंतेचे वातावरण आहे, मागच्या सत्रात रुपया प्रति डॉलर 95.96 वर बंद झाला होता, तो आज 96.17 रुपयांवर ट्रेड करत आहे. शुक्रवारीच रुपयाने पहिल्यांदा प्रति डॉलर 96 रुपयांची पातळी ओलांडली होती. कच्च्या तेलाच्या किमती प्रति बॅरल 110 डॉलरच्या पार गेल्याने हा परिणाम झाल्याचे तज्ञांनी सांगितले आहे.