पुणे आणि साताऱ्याच्या घाट परिसरामध्ये आज मुसळधार पावसाचा अंदाज आहे. तर हवामान विभागाने पुणे आणि सातारा जिल्ह्यांना रेड अलर्ट जारी केला आहे. तसेच सिंधुदुर्ग रत्नागिरी आणि रायगड या जिल्ह्यांना देखील ऑरेंज अलर्ट देण्यात आला आहे. विदर्भ, उत्तर मराठवाडा आणि उत्तर महाराष्ट्रातसुद्धा पावसाचा जोर वाढण्याची शक्यता वर्तवली जात आहे. तर उर्वरीत महाराष्ट्रात हलक्या ते मध्यम स्वरुपाच्या पावसाचा अंदाज वर्तवला गेला आहे. मुसळधार पावसामुळे खडकवासला धरणातून पाणी सोडण्यात आलं होतं, त्यामुळे पुण्यामध्ये पुरपरिस्थिती निर्माण झाली होती. म्हणून नागरिकांना सतर्कतेचा इशारा देखील देण्यात आला आहे.