विद्यार्थिनीची छेड काढणाऱ्या एका शिक्षकाला पालकांनी चांगलाच चोप दिला आहे. रत्नागिरीच्या एका नामांकित शाळेत हा प्रकार घडला आहे. विद्यार्थिनीच्या तक्रारीनंतर पालकांनी शिक्षकाला चोप दिला आहे.

रत्नागिरीत शिक्षकानं विद्यार्थिनीची छेड काढली म्हणून पालकांनी शिक्षकाला चोप दिला. प्रथमेश नवले असं छेड काढणाऱ्या शिक्षकाचं नाव आहे. रत्नागिरी शहरातल्या एका नामांकित शाळेतील प्रकार आहे. विद्यार्थिनीच्या तक्रारीनंतर पालकांनी या शिक्षकाला चोप दिला. पालकांनी शिक्षकाला कानफाटात मारल्यानंतर शिपायानं पालकांवर हात उचलला. या प्रकारानंतर कंत्राटी पद्धतीनं काम करणाऱ्या शिक्षकाचं शाळेकडून निलंबन करण्यात आलं आहे. तसंच पोलिसांनी छेड काढणाऱ्या शिक्षकाला ताब्यात घेतलं असून शहर पोलिसांकडून चौकशी सुरू आहे.