जळगावमध्ये मुक्ताईनगरमध्ये भाजप आणि शिवसेना (शिंदे गट) कार्यकर्त्यांमध्ये पुन्हा एकदा जोरदार राडा झाल्याची माहिती समोर आली आहे. भाजपचा एक कार्यकर्ता मतदान केंद्रात गेल्यानंतर शिवसेनेचे आमदार चंद्रकांत पाटील यांचे सहकार्यकर्ते आक्रमक झाल्याचे सांगितले जात आहे. या घटनेत दोन्ही पक्षांच्या कार्यकर्त्यांमध्ये जोरदार धक्काबुक्की झाल्याचे प्रत्यक्षदर्शींचे म्हणणे आहे. शिवसेना कार्यकर्त्यांकडून मारहाण झाल्याचा आरोप भाजप कार्यकर्त्यांनी केला आहे. अचानक सुरू झालेल्या राड्यामुळे मतदान केंद्रावर मोठा गोंधळ निर्माण झाला. परिस्थिती तणावपूर्ण बनल्याने पोलिसांनी खबरदारीचा उपाय म्हणून परिसरात मोठा फौजफाटा तैनात झाला आहे.