Chhagan Bhujbal, Sunil Tatkare, NCP Politics : राष्ट्रवादी अजित पवार पक्षाचे ज्येष्ठ नेते आणि अन्न व नागरी पुरवठा मंत्री छगन भुजबळ नाराज असल्याची चर्चा आहे. समीर भुजबळ यांच्या मंत्रिपदासाठी छगन भुजबळ यांनी घातलेली अट दिल्ली भाजप श्रेष्ठींनी फेटाळून लावल्यामुळे हे नाराजी नाट्य रंगल्याचं बोललं जातंय. मात्र उमेदवारीला भाजपनं नकार दिल्याच्या बातम्या तथ्यहीन असल्याचं भुजबळांनी म्हटलंय. दुसऱ्यांच्या मुलांना लावलेला न्याय मलाही लावा असंही त्यांनी म्हटलंय. भुजबळांच्या या विधानानंतर पक्षांतर्गत राजकारणाला नवे वळण मिळाले आहे. विशेष म्हणजे त्यांच्या वक्तव्याचा रोख थेट सुनील तटकरे यांच्याकडे असल्याची चर्चा सुरू झाली आहे.