राष्ट्रवादी काँग्रेस शरद पवार गटाचे नेते राजेश टोपे यांनी ओबीसी आंदोलक लक्ष्मण हाके आणि नवनाथ वाघमारे यांची भेट घेतली आहे. उपोषणाच्या दहाव्या दिवशी राजेश टोपे यांनी हाके आणि वाघमारे यांच्यासोबत चर्चा केलीये. सामंजस्यानं आरक्षणाचा प्रश्न सुटावा आणि कुठेही तेढ निर्माण होऊ नये, असं राजेश टोपे यांनी म्हटलं आहे. सगळ्याच आरक्षणाच्या प्रश्नाच्या बाबतीत सरकारनं सामजस्यानं तोडगा काढणं गरजेचं आहे. कुठेही समाजात तेढ निर्माण होऊ नये, अशा पद्धतीने निर्णय घेणं आवश्यक आहे. स्थानिक लोकप्रतिनिधी म्हणून मला असं वाटलं की याठिकाणी येऊन भेट द्यावी.