मनोज जरांगे पाटील यांच्या आडून समाजाला भडकवण्याचे काम सुरू आहे. असा आरोप महायुतीचे नेते राजेंद्र राऊत यांनी केलाय. जरांगे पाटील यांनी अशा लोकांपासून सावध रहावे असा सल्लाही राऊत यांनी दिला आहे. राजेंद्र राऊत हे भाजप पुरस्कृत आमदार आहेत. धाराशीवमध्ये महायुतीच्या उमेदवार अर्चना पाटील यांच्या प्रचारासाठी सभा आयोजित करण्यात आली होती. तेव्हा राऊत म्हणाले की. जरांगे पाटील यांच्यामुळे अनेकांना दाखले मिळाले, सरकारने दाखले शोधण्यासाठी मोहीम राबविली. जरांगे-पाटलांनी आता राजकारणापासून दूर राहण्याचा निर्णय घेतला आहे. मात्र,त्यांच्या आडून काहीजण राजकीय तीर मारण्याच्या प्रयत्नात आहेत असे राऊत म्हणाले.