Raj Thackeray, Uddhav meet at wedding; spark speculation of rapprochement : उद्धव ठाकरे आणि राज ठाकरे एकत्र येणार का? याची चर्चा पुन्हा एकदा सुरू झाली आहे. त्याला निमित्त ठरलेय, एक लग्नसोहळा. मुंबईतील एका लग्नसोहळ्यात ठाकरे बंधू एकत्र आले होते. मागील काही महिन्यात तिसऱ्यांदा ठाकरे बंधूंची भेट झाली आहे. आगामी मनपा निवडणुकीत ठाकरे बंधू एकत्र येणार का? याची चर्चा त्या निमित्ताने सुरू झाली आहे.

एका अधिकाऱ्याच्या लग्नात उद्धव ठाकरे आणि राज ठाकरे एकत्र आले होते. त्यावेळी त्यांच्यामध्ये चर्चाही झाली. त्यामुळे पुन्हा एकदा ठाकरे बंधू एकत्र येणार का? याची राजकीय चर्चा सुरू झाली आहे. राज ठाकरे आणि उद्धव ठाकरे यांचे लग्नातील चर्चा करतानाचे फोटो सोशल मीडियावर व्हायरल झाले आहेत.

दरम्यान, उद्धव ठाकरे आणि राज ठाकरे यांच्याकडून एकत्र येण्याचे कोणतेही संकेत देण्यात आलेले नाहीत. सकाळ समुहाला दिलेल्या मुलाखतीत आदित्य ठाकरे यांनी त्यांनी भूमिका बदलली तरच एकत्र येण्यावर विचार होईल, असे वक्तव्य केले होते. मनसेकडूनही ठाकरे बंधू एकत्र येण्यावर कोणतीही प्रतिक्रिया देण्यात आलेली नाही.