राज्यात त्रिभाषा सूत्र अर्थात हिंदी सक्तीचा शासन निर्णय काल राज्य सरकारने रद्द केला. या निर्णयानंतर मनसैनिकांनी जल्लोष व्यक्त केला. याच पार्श्वभूमीवर मनसे प्रमुख राज ठाकरे यांनी आज पत्रकार परिषद घेऊन आपली भूमिका मांडली.

राज ठाकरे म्हणाले, सर्वप्रथम आम्ही या निर्णयाला विरोध केला. आमच्या पत्राच्या माध्यमातून जेव्हा ही बाब जनतेपर्यंत पोहोचली, तेव्हा मोठ्या प्रमाणावर पाठिंबा मिळत गेला. यामध्ये शिवसेना (ठाकरे गट) आणि राष्ट्रवादी काँग्रेस (शरद पवार गट) यांनीही पाठिंबा दिला. मी त्यांचे आभार मानतो.

ते पुढे म्हणाले, जर हा मोर्चा निघाला असता, तर तो न भूतो असा ठरला असता. जे ७०-७५ वर्षांचे लोक आहेत, त्यांना यामुळे संयुक्त महाराष्ट्राच्या लढ्याची आठवण झाली असती.