शेतकरी कामगार पक्षाचा 78 वा वर्धापन दिन पनवेलमध्ये पार पडला. या सोहळ्यास मनसे अध्यक्ष राज ठाकरे, ठाकरे गटाचे खासदार संजय राऊत यांच्यासह अनेक मान्यवर उपस्थित होते. राज ठाकरे यांनी मराठीच्या मुद्द्यावरून अमित शाह आणि भाजपवर जोरदर टीकास्त्र सोडले. रायगडमधी शेतकरी बरबाद होणार नाही, ते टिकवण्यासाठी काम करावे. मराठीसाठी तडजोड नाही, भुसेंनाही ठणकावून सांगितले.अनेक प्रकल्प गुजरातला गेले. मोदी-शाह यांना गुजराती प्रेम आहे, मग आपण का संकुचित राहणार आहे, असे राज ठाकरे म्हणाले. तुम्ही महाराष्ट्रातून गुजरातला गेलात तर शेतजमीन विकत घेता येत नाही, असा कायदा केला आहे. देशाचे पंतप्रधान अन् गृहमंत्री गुजरातचे आहेत, त्या गुजरातमध्ये जाऊन जमीन विकत घेता येत नाही. प्रत्येकजण आपल्या राज्याचा विचार करत असतो, आपण का करायचा नाही, असा सवाल राज ठाकरेंनी उपस्थित केला.