मनसे अध्यक्ष राज ठाकरे आज अंबरनाथ दौऱ्यावर असून ते अंबरनाथ, उल्हासनगर आणि बदलापूर या नगरपालिका व महानगरपालिका निवडणुकांचा आढावा घेणार आहेत. ठाणे जिल्ह्यातील आगामी निवडणुकीच्या पार्श्वभूमीवर राज ठाकरे यांचा हा पहिला दौरा आहे. त्यांनी अंबरनाथ येथील सुदामा हॉटेलमध्ये महत्त्वाच्या पदाधिकाऱ्यांशी चर्चा करुन, नंतर ते कार्यकर्त्यांच्या आढावा बैठकीसाठी पनवेलकर हॉलकडे रवाना होणार आहेत.

या बैठकीत मनसेच्या संघटनात्मक तयारीचा आढावा घेतला जाईल तसेच निवडणूक धोरण आणि प्रचार आराखडा ठरवला जाणार आहे. स्थानिक कार्यकर्त्यांमध्ये या दौऱ्याबद्दल उत्सुकता असून, आगामी निवडणुकीसाठी राज ठाकरे कोणती दिशा व धोरण मांडतात याकडे सर्वांचे लक्ष लागले आहे.