उद्धव ठाकरेंचा ताफ्याल चक्क राज ठाकरेंनी वाट दिली आहे. गेल्या काही दिवसांपासून दोन्ही ठाकरे बंधु एकत्र येतील अशी चर्चा सुरू आहे. मराठीच्या मुद्यावर देखील दोन्ही बंधु एकत्रित मोर्चा काढणार असल्याची चर्चा असताना आज अचानक अनपेक्षित असे काहीसे घडले आहे. उद्धव ठाकरे हे आझाद मैदान येथे हिंदी सक्तीच्या विरोधात आंदोलन करून शिवसेना भवन येथे जात होते. त्यांचा ताफा हा मनसे प्रमुख राज ठाकरे यांच्या शिवतीर्थ निवासस्थाना समोररून जात होता. त्याच वेळी राज ठाकरे हे देखील जात होते. मात्र राज ठाकरेंनी आपला ताफा थांबवत उद्धव ठाकरेंना वाट करून दिली. मनसे आणि शिवसेना ठाकरे गटाच्या युतीच्या चर्चा सुरू असताना आज राज ठाकरेंनी आपल्या मोठ्या भावासाठी आपला ताफा थांबवला. यामुळे अनेकांच्या राजकीय भुवया उंचावल्या आहेत.