रायगडमध्ये बचाव पथकाच्या बोटीला अपघात झाला. बचाव कार्य करत असताना बचाव पथकाची बोट उलटली. सुदैवाने कोणतीही जीवितहानी झाली नाही. पोलादपुर तालुक्यातील लोहारमाळ येथील सावित्री नदी पात्रात ही घटना घडली. स्थानिकांनी याचा व्हिडीओ काढला असून तो सध्या सोशल मीडियावर व्हायरल होत आहे.

रस्त्यावर काम करणारा कामगार पाण्यात बुडाला होता. बचाव पथकाकडून त्याचा शोधण्याचे काम सुरु असताना सावित्री नदीच्या पाण्यात बोट अनियंत्रित झाली. बचाव पथकाच्या सदस्यांनी बोटीतून वेळीच पाण्यात उड्या मारल्या आणि नदी काठावर आले. त्यामुळे या सर्वांचा जीव बचावला. बचाव कार्य करताना अधिक सुरक्षा पाळण्याची गरज असल्याचे आवाहन करण्यात आले आहे.