गेटवे ऑफ इंडिया परिसरावर वाढणारा ताण लक्षात घेता, कुलाबा येथील प्रस्तावित रेडिओ क्लब जेट्टी प्रकल्पाला अखेर न्यायालयाची मंजुरी मिळाली आहे. अत्याधुनिक पद्धतीने उभारला जाणारा हा प्रकल्प २०२७ पर्यंत पूर्ण होण्याची शक्यता आहे. या जेट्टीद्वारे मुंबईतून थेट नवी मुंबई आंतरराष्ट्रीय विमानतळापर्यंत जलमार्गाने प्रवास करणे शक्य होणार आहे.

हा प्रकल्प केवळ सार्वजनिक हिताचा नसून, पर्यटन आणि सागरी वाहतूक यांना मोठी चालना देणारा ठरणार आहे. जलमार्गांचा अधिक चांगला वापर करून वाहतूक व्यवस्था सुधारण्याच्या दिशेने हा एक महत्त्वपूर्ण टप्पा मानला जात आहे. रेडिओ क्लब जेट्टी प्रकल्पामुळे गेटवे परिसरावरील गर्दीचा ताण कमी होणार असून, पर्यटक आणि प्रवाशांसाठी अधिक सुरक्षित व जलद प्रवासाचा मार्ग खुला होणार आहे.