सावित्रीबाई फुले पुणे विद्यापीठात ‘कॅरी ऑन’च्या मागणीसाठी सुरू असलेल्या आंदोलनाला तोडगा निघण्याची चिन्हे दिसू लागली आहेत. विद्यापीठ प्रशासनाने सरसकट ‘कॅरी ऑन’ मान्य न करण्याचा निर्णय घेतला असून, सर्व विद्यार्थ्यांना विशेष संधी देण्यात येणार असल्याचे परीक्षा विभागाचे संचालक प्रभाकर देसाई यांनी सांगितले. “सर्व विद्यार्थी सकारात्मक आहेत, त्यामुळे पुढील एका तासात विशेष संधीचा जीआर काढण्यात येईल,” अशी माहिती देसाई यांनी दिली. मात्र, जोपर्यंत अधिकृत जीआर निघत नाही, तोपर्यंत विद्यापीठाच्या गेटसमोर आंदोलन सुरू ठेवण्याचा निर्धार विद्यार्थ्यांनी व्यक्त केला आहे.