25 ऑगस्ट रोजी होणारी एमपीएससीची परीक्षा पुढे ढकलण्यात यावी, या प्रमुख मागणीसह अन्य मागण्यांसाठी पुण्यात परीक्षार्थींचा लढा सुरू आहे. आंदोलनाचा तिसरा दिवस होता. मोठ्या संख्येने परीक्षार्थी या आंदोलनात सहभागी झाले होते. दुसरीकडे २५ ऑगस्ट रोजी होणारी एमपीएससीची परीक्षा पुढे ढकलण्याचा निर्णय घेण्यात आला आहे. आयोगाच्या बैठकीत हा महत्वपूर्ण निर्णय घेण्यात आला. त्यामुळं परीक्षार्थींच्या लढ्याला यश आल्याचं मानलं जात आहे.

नेमक्या काय होत्या परीक्षार्थींच्या मागण्या?

IBPS आणि MPSC परीक्षा एकाच दिवशी होणार होती. दोन्ही परीक्षा २५ ऑगस्टला असल्याने एमपीएससी परीक्षा पुढे ढकलण्यात यावी

कृषी विभागाच्या पदांचा समावेश राज्यसेवा आयोगात करण्यात यावा.

कृषीच्या २५८ जागांबाबत निर्णय घेण्यात यावा

⁠कम्बाईन ग्रुप बी आणि सी मधील हजारो जागांसाठीची जाहिरात प्रसिद्ध करावी

⁠राज्यसेवेच्या १५०० जागांची जाहिरात प्रसिद्ध करा

या मागण्यांचे नोटिफिकेशन आल्यावरच आंदोलन मागे घेणार असल्याचे परीक्षार्थींचे म्हणणे