नवरात्रीच्या निमित्ताने पुण्यातील अनेक ग्राउंड आणि लॉन्स वर गरब्याच्या कार्यक्रमाचे आयोजन करण्यात आले आहेत. अशाच एका कार्यक्रमात आवाजाची मर्यादा ओलांडल्यामुळे राज्यसभेच्या भाजपच्या खासदार मेधा कुलकर्णी यांनी थेट कार्यक्रम बंद पाडला. पुण्यातील कोथरूड परिसरातील जीत ग्राउंड वर आयोजित केलेल्या गरब्याचा कार्यक्रम आवाजाची मर्यादा ओलांडत असल्याचा आरोप मेधा कुलकर्णी यांनी केला आहे. तसेच परिसरात राहणाऱ्या वयोवृद्ध नागरिकांना आणि काही रुग्णांना या आवाजाचा प्रचंड त्रास होत आल्याच्या तक्रारींचा मेसेज सुद्धा मेधा कुलकर्णी यांनी वाचून दाखवला. ज्या ठिकाणी हा कार्यक्रम झाला ते महापालिकेचे ग्राउंड नसताना सुद्धा इथे परवानगी कशी दिली असा प्रश्न सुद्धा त्यांनी उपस्थित केला. सण सोडून त्या ठिकाणच्या नागरिकांना घर सोडून जावं लागतं हे तर अजून वाईट आहे अशी प्रतिक्रिया मेधा कुलकर्णी यांनी दिली आहे.