पुण्यातील धनकवडी परिसरात एका आयुर्वेदिक उपचार केंद्रात मसाज घेत महिलांचे व्हिडिओ रेकॉर्ड करून त्यांना धमकावत खंडणी उकळणाऱ्या तिघांना सहकारनगर पोलिसांनी अटक केली आहे. आरोपींपैकी एक जण स्वतःला पत्रकार म्हणून ओळखत असून त्याचे यूट्यूब चॅनेल आणि वृत्तपत्र असल्याचे समोर आले आहे.एका ४० वर्षीय महिलेने दिलेल्या फिर्यादीनुसार, ३ फेब्रुवारी रोजी हा प्रकार घडला.

रोहित वाघमारे आपल्या मित्रासह धनकवडीतील आयुर्वेदिक उपचार केंद्रात मसाजसाठी गेला. यावेळी त्याने आपल्या शर्टच्या खिशात मोबाईल सुरू ठेवून व्हिडिओ रेकॉर्डिंग सुरू केले.

मसाज दरम्यान, वाघमारे याने संबंधित महिलेला टॉप काढून मसाज कर अशी मागणी केली. महिलने नकार दिल्यावर त्याने धमकी दिली की, मी एका पक्षाचा अध्यक्ष आहे. जर सांगितल्याप्रमाणे केले नाहीस तर तुझे उपचार केंद्र बंद करून टाकेन अशी धमकी दिली.