पुण्यातून धक्कादायक घटना समोर आली आहे. नवरात्र उत्सवाच्या निमित्ताने जिथे सर्वत्र देवीचा जागर केला आणि महिलांच्या कर्तृत्वाचा सत्कार आणि सन्मान केला जातो, तिथेच एका तरुणाने तरुणीला बेदम मारहाण केल्याचा व्हिडिओ व्हायरल झाला आहे. एका किरकोळ वादातून हा प्रकार घडल्याचे समजत आहे. व्हिडिओमध्ये आरोपी तरुणाने तरुणीला कानशिलात लावत लाथा मारल्याचा प्रकार स्पष्ट दिसत आहे.

पुण्यातील सातारा रोडवरील काल रात्री ८ वाजेच्या सुमारास ही घटना घडली आहे .नेमकं हा तरुण या तरुणीचा कोण लागतो, नेमकं त्याने कश्यासाठी तरुणीला मारहाण केली हे अद्याप समजू शकलेल नाही. या प्रकारा नंतर रात्री उशिरा पर्यंत तरुणीकडून कोणतीच तक्रार पोलीस ठाण्यात नोंदवली नाही अशी माहिती पोलिसांनी दिलेली आहे .