वादळी वारा आणि विजांच्या कडकडाटासह मुसळधार पावसाने पुणेकरांची फजिती केली. दुपारी चारनंतर पुण्यात मुसळधार पावसाला सुरूवात झाली. तासभरात पुण्यातील रस्त्यावर पाणीच पाणी झाले. जणू पुण्यातील रस्त्यांना नद्यांचे स्वरूप मिळाले होते. पुणे सातारा रस्त्याला पावसाच्या पाण्याने नदीचे स्वरूप प्राप्त झाले होते. काही ठिकाणी तर पावसामुळे फ्लेक्स कोसळले. घरात पाणी शिरले. मागील चार दिवसांपासून पुण्यात पावसाने हाहाकार माजवला आहे.

पुणे सातारा महामार्ग केळवडे ता. भोर येथे रस्त्यावर येणारे पाणी वाहून जाण्यासाठी योग्य व्यवस्था नसल्याने महामार्गा चा अक्षरशः ओढा झाला. दुपारी चार वाजता सुरू झालेल्या पावसाने पुण्यात पाणीच पाणी केले. खडकवासला जवळील कोंढवे धावडे एनडीए उत्तमनगर परिसरात पावसाने झोडपून काढले. पिरंगुट , लवळे परिसरात वादळी वारा , ढगांचा गडगडाट आणि विजांचा चमचमाटसह तासभरांपासून पावसाने हजेरी लावली.