काही दिवसांपूर्वी भरधाव दुचाकीवर हात सोडून स्टंटबाजी करणाऱ्या तरुणीचा व्हिडिओ व्हायरल झाला होता. या घटनेला काही दिवस उलटत नाहीत तोच, आणखी एका तरुणीचा जीवघेणा स्टंट करतानाचा व्हिडिओ सोशल मीडियावर व्हायरल होत आहे.

पुण्यातील स्वामी नारायण मंदिराजवळ हा प्रकार घडला आहे. तरूण-तरुणीचा एक गट रील्ससाठी जीवघेणी स्टंटबाजी करत असल्याचे या व्हिडिओमध्ये दिसतेय. एका वास्तूच्या छतावर काही तरूण बसले आहेत. त्यातील एक जण व्हिडिओ शूट करत आहे. एक तरूण छतावर असून, त्याच्या हाताचा आधार घेऊन तरूणी त्या सज्जाला लटकली. हा व्हिडिओ सोशल मीडियावर व्हायरल होत असून, यांना आवरण्याची वेळ आली आहे, अशा प्रतिक्रिया नेटकरी व्यक्त करत आहेत.