पुण्यातील गणेशोत्सवाच्या दहा दिवसांच्या उत्साहानंतर आज शनिवारी मानाच्या पाचही गणपतींचे विसर्जन भाविकांच्या उपस्थितीत उत्साहात पार पडले. ढोल-ताशांच्या गजरात पुणेकरांनी आपल्या लाडक्या गणपतींना भावपूर्ण निरोप दिला. मानाच्या पहिला कसबा गणपतीचे विसर्जन दुपारी ३ वाजून ४७ मिनिटांनी पार पडले, तर दुसरा मानाचा तांबडी जोगेश्वरी गणपतीचे विसर्जन दुपारी ४ वाजून १० मिनिटांनी पार पडले.

तिसरा मानाचा गुरुची तालीम गणपती नटराज घाट येथे दुपारी ४ वाजून ३५ मिनिटांनी विसर्जित झाला. चौथा मानाचा तुळशीबाग गणपती पाचाळेश्वर घाट येथे संध्याकाळी ५ वाजता विसर्जन करण्यात आला, तर पाचवा केसरीवाडा गणपती कृत्रिम हौदात संध्याकाळी ५ वाजून ४० मिनिटांनी विसर्जनासाठी सज्ज करण्यात आला. भक्तिमय वातावरणात पार पडलेल्या या विसर्जन सोहळ्यांत भाविकांनी ढोल-ताशांचा गजर करत गणपती बाप्पाला उत्स्फूर्त निरोप दिला.