पुण्यात सायबर चोरट्यांचा उच्छाद सुरु असल्याचं पोलिसांच्या कारवाईतून स्पष्ट झालंय. पुण्यात सात वेगवेगळ्या घटनेत 84 लाखाची ऑनलाइन फसवणूक करण्यात आली. याप्रकरणी स्थानिक पोलीस ठाण्यात सायबर चोरट्यांचे विरोधात गुन्हे दाखल करण्यात आले असून पुढील चौकशी सुरु आहे. शेअर मार्केट, टास्क फ्रॉड आणि पोलीस कारवाईची भीती दाखवून सायबर चोरट्याने शहरातील सात जणांची 84 लाख 32 हजार रुपयांची फसवणूक केलीय. विमाननगर येथील महिलेला शहर खरेदी चांगला नफा मिळवून देण्याच्या बहाण्याने 41 लाख 92 हजार रुपयाचा गंडा घातला आहे. तर बिबबेवाडी,कात्रज कोंढवा रोड येथे शेअर मार्केटमध्ये नफा मिळवून देणे, पोलीस असल्याचे बतावणी करून लाखोंची फसवणूक करण्यात आल्याचं उघड झालंय. हडपसर येथील दोन वेगवेगळ्या घटनामध्ये तरुणीला टास्क देण्याच्या बहाण्याने 9 लाख 53 हजाराचा गंडा घातला आहे. तर दुसऱ्या गुन्ह्यात हडपसर मध्येच सायबर चोरट्याने प्रीपेड टास्क देऊन आठ लाख 61 हजारची फसवणूक केली आहे. अशा इतर घटना मिळून 84 लाखाची फसवणूक करण्यात आलीय.