पुण्यात गुन्हेगारीनं डोकं वर काढलंय. कधी कोयता गँग, तर कधी तरुणांच्या हत्या, वाहनांची तोडफोड आणि जाळपोळीच्या अनेक घटना घडत असतात. आता भारती विद्यापीठ परिसरातही अज्ञातांनी १० वाहनांची तोडफोड केली आहे.

दहशत माजवण्यासाठी मंगलमूर्ती सहकारी गृहरचना मर्यादित सोसायटीत ही घटना घडली आहे. भारत नगर येथे वीज गूल झाल्याचा गैरफायदा घेत अज्ञात व्यक्तीने दहा वाहनांची तोडफोड केली. सर्वसामान्य लोकांमध्ये दहशत माजवण्याचा प्रकार वारंवार पुणे शहरांमध्ये घडत आहे. संबंधित घटनेची तक्रार भारती विद्यापीठ पोलीस ठाण्यात केली आहे. गुंडांना पोलिसांचा धाकच राहिलेला दिसत नाही, असे चित्र सध्या तरी दिसत आहे.