साड्या, चादरी, अंतर्वस्त्र ही चित्रे आहेत, अतिप्रसंग घडलेल्या आगारामधील बंद पडलेल्या बसमधील. पुण्यातील स्वारगेट डेपोमधील एक धक्कादायक प्रकार समोर आलाय. आगारमध्ये बंद पडलेल्या शिवशाही बसमध्ये अनुचित प्रकार चालत असल्याचा संशय व्यक्त केला जात आहे. स्वारगेटमधील बस डेपोतील सुरक्षा केबिनमागे बंद पडलेल्या शिवशाही बसमध्ये ३० कंडोम्, ५ साड्या, ६ ब्लँकेट, १ चादर, ३ अंतर्वस्त्र आढळून आली आहेत.

राज्यात दिवसेंदिवस गुन्हेगारीचं प्रमाण वाढत चाललं आहे. अशीच एक संतापजनक आणि धक्कादायक घटना पुण्यातील स्वारगेट डेपोमध्ये एका २६ वर्षीय तरुणीवर बलात्कार झाल्याची धक्कादायक घटना उघडकील आली आहे. भल्या पहाटे ५.३० वाजेच्या सुमारास ही घटना घडली आहे. आता या घटनेमुळं पुण्यात खळबळ उडाली आहे. या घटनेमुळं पुण्यात प्रकरण चांगलंच तापलं आहे.

पुण्यातील स्वारगेट डेपोमध्ये एका २६ वर्षीय तरुणीवर बलात्कार झाल्याची धक्कादायक घटना घडल्याचं समोर आलं. त्यानंतर राज्यभरातून संतापजनक प्रतिक्रिया येत आहेत. अत्याचारांची घटना घडल्याची माहिती झाल्यानंतर दुपारी ठाकरे गटाचे नेते वसंत मोरे यांनी आगारामधील सुरक्षा रक्षकांच्या कॅबिनची तोडफोड केली. हातोडा, दगड, सळीने कॅबिनेच्या खिडक्यांच्या काचा फोडल्या.