Pune News : पुण्यातल्या येरवडा परिसरात शास्रीनगर सिग्नलजवळ गौरव आहुजा या तरुणाने लघुशंका केली होती. नागरिकांशी वाद घातल त्याने विकृत चाळे देखील केले. या प्रकरणी पोलिसांनी गौरवचा शोध घ्यायला सुरुवात केली आहे. दरम्यान त्याने केलेल्या कृताची व्हिडीओद्वारे माफी मागितली आहे.

'मी गौरव आहुजा, राहणार पुणे. माझ्याकडून रस्त्यात मध्ये जे कृत्य झालं होतं, ते खूप चुकीचं होतं. आणि मी मनापासून माफी मागतो. संपूर्ण जनता, पोलीस दल आणि शिंदे साहेबांची मी माफी मागतो. मला माफ करा. मला एक चान्स द्या. सॉरी. मी पुढच्या आठ तासात येरवडा पोलीस ठाण्यात हजर होणार आहे. प्लीज माझ्या फॅमिली मेंबरला त्रास देऊ नका', असे गौरवने व्हिडीओमध्ये म्हटले आहे. घटनेनंतर गौरव पुण्यातच लपून बसला होता असे म्हटले जात आहे. दरम्यान या प्रकरणातील दुसरा आरोपी म्हणजे गौरवचा मित्र भाग्येशला पोलिसांनी ताब्यात घेतले आहे. लवकरच गौरवदेखील पोलिसांसमोर शरणागती पत्करणार आहे.