पुणे : उपमुख्यमंत्री अजित पवार यांचे राजकीय सल्लागार नरेश अरोरा यांच्याशी संबंधित डिझाईन बॉक्सच्या पुणे कार्यालयावर क्राईम ब्रांचने कारवाई केली आहे. क्राईम ब्रांचच्या पथकाकडून पुणे येथील डिझाईन बॉक्स ऑफिसमध्ये कागदपत्रांची तपासणी आणि चौकशी करण्यात आली आहे. ही कारवाई नेमकी कोणत्या प्रकरणाशी संबंधित आहे, याबाबत अद्याप अधिकृत माहिती अद्याप समोर आलेली नाही. पथकाकडून तपास सुरू आहे. या प्रकरणासंदर्भात पुढील माहिती आणि अधिकृत स्पष्टीकरणाची प्रतीक्षा आहे.