नवी दिल्ली : लोकसभेच्या अधिवेशनाचा आज दुसरा दिवस असून पहिल्याच दिवसाप्रमाणे आजही सभागृहात गोंधळाचे वातावरण पाहायला मिळाले. पहिल्या दिवशी विरोधकांनी विविध मुद्द्यांवरून जोरदार घोषणाबाजी करत गोंधळ घातल्यामुळे सभागृहाचे कामकाज थांबवण्यात आले होते. आजच्या अधिवेशनादरम्यान काँग्रेसच्या खासदार प्रियंका गांधी भाषण करत असताना सत्ताधारी पक्षाच्या सदस्यांनी आक्षेप घेत मोठा गोंधळ घातला. यावेळी सत्ताधारी आणि विरोधकांमध्ये जोरदार घोषणाबाजी झाली. दोन्ही बाजूंनी एकमेकांवर आरोप-प्रत्यारोप सुरू होते.