पंतप्रधान नरेंद्र मोदी जुलै महिन्यात मुंबई दौऱ्यावर येणार असल्याची माहिती समोर येत आहे. लोकसभा निकालानंतर मोदींचा हा पहिलाच मुंबई दौरा असणार आहे. पंतप्रधान नरेंद्र मोदींच्या हस्ते गोरेगांव, मुलुंड लिंक रोड आणि बोरिवली, ठाणे लिंक रोड या भुयारी मार्गांचे भूमिपूजन करण्यात येणार आहे. हजारो कोटींच्या प्रकल्पांचे पंतप्रधान नरेंद्र मोदी यांच्या हस्ते भूमिपूजन करण्यात येणार आहे. मोदींच्या दौऱ्यातून महायुती विधानसभा निवडणुकीचं रणशिंग फुंकणार असल्याची माहिती समोर येत आहे. अधिवेशन संपताच दुसऱ्याच दिवशी मोदी मुंबई दौऱ्यावर येणार आहेत.