महाराष्ट्राच्या राजकारणातील एक दिग्गज नेतृत्व आणि राष्ट्रवादी काँग्रेसचे प्रमुख अजित पवार यांचे आज बारामती येथे झालेल्या विमान अपघातात दुर्दैवी निधन झाले. बारामती विमानतळावर लँडिंग दरम्यान विमानात तांत्रिक बिघाड झाल्याने भीषण अपघात घडला. या अपघातात अजित पवारांसह ५ जणांचा मृत्यू झाला. अजित पवार यांच्या निधनाचं वृत्त समजताच पंतप्रधान नरेंद्र मोदी यांनी तातडीने अपघाताची सविस्तर माहिती मागवली आहे. पंतप्रधान मोदी आणि गृहमंत्री अमित शहा यांनी मुख्यमंत्री देवेंद्र फडणवीस यांच्याशी फोनवरून चर्चा करत घटनेचा सविस्तर आढावा घेतला.

पंतप्रधान नरेंद्र मोदी यांनी एक्सवर पोस्ट करत अजित पवार यांना श्रद्धांजली अर्पण केली. पंतप्रधानांनी आपल्या शोकसंदेशात म्हटले की, "अजित पवार यांच्या निधनाने देशाने एक प्रशासकीय पकड असलेला नेता गमावला आहे." तर अमित शहा यांनी "ही राज्याची कधीही न भरून निघणारी हानी" असल्याचे म्हटले.